MELAO YA RIPHABOLIKI YA AFRIKA BORWA ? TEMO
MOLAO WA DIPHUPUTSO TSA TEMO
WA NOMORO YA 86 WA 1990
Ntle le moo ho bontshitsweng ka mokgwa o mong
Sengolwa sa senyesemane se tekennwe ke Mopresidente wa Mmuso jwalo ka ha se lokisitswe ke
Phetolo ya Molao wa Diphuputso tsa Temo wa Nomoro ya 12 wa 1993
Phetolo ya Bobedi ya Molao wa Diphuputso tsa Temo wa Nomoro ya 174 wa 1993
Phetolo ya Molao wa Diphuputso tsa Temo wa Nomoro ya 16 wa 1996
MOLAO
Ho hlomamisa motho wa semolao ya tla sebetsana le diphuputso tsa temo; ho tsepamisa maikemisetso a tsona, matla le mesebetsi, ho tsepamisa mokgwa oo di tla tsamaiswa le ho laolwa ka tsona; ho laola ditaba tsa teng tsa basebetsi le tsa ditjhelete; le ho nehelana ka monyetla wa ditaba tse amanang le tsona.
Ditlhaloso. ? Molaong ona ntle le moo moelelo o supang ka mokgwa o mong -
temo? e bolela tshebediso ya mekgwa ya tlhahiso le tshebediso e etswang ke motho ya mehlodi ya tlhaho ya temo bakeng sa tlhahiso ya, hara dintho tse ding, dijo tse lekaneng, faeba le seno sa boleng;
modulasetulo? o bolela motho ya kgethilweng ho latela karolo ya 11 jwalo ka modulasetulo wa Lekgotla;
Lekgotla? le bolela Lekgotla leo ho buuwang ka lona karolong ya 8 ;
Ntshetsopele? e bolela mesebetsi eo tsebo ya yona e fumanehileng ka diphuputso e sebediswang;
Komiti ya Phethahatso ya tsamaiso? e bolela Komiti ya Phethahatso ya tsamaiso eo ho buuwang ka yona karolong ya 16;
selemo sa ditjhelete? se bolela nako ya ho tloha mohla la 1 Mmesa selemong sefe kapa sefe ho fihlela mohla la 31 Tlhakubele selemong se hlahlamang seo;
indasteri? e bolela indasteri efe kapa efe e amanang le tshebetso ya dihlahiswa tsa temo mahlakoreng ao Letona le ka a tsepamisang ka tsebiso ya Koranta ya Mmuso;
boqapi? bo kenyeletsa ntshetsopele, ka tsela efe kapa efe, ya Balemi ba diphoofolo tse ntjha, dimela le diphedi tse ding;
Letona? le bolela Letona la Temo, ho latela dipallo tsa karolo ya 6;
presidente? e bolela motho ya kgethilweng ho latela karolo ya 18 jwalo ka mohlanka ya ka sehloohong wa phethahatso wa Lekgotla la Diphuputso la Temo;
molawana? o bolela molawana o entsweng ho latela Molao ona;
diphuputso? di bolela ntshetsopele, pokeletso le ntlafatso ya tsebo ya disaense tsa temo le ya disaense tse ding tse amehang ka dipatlisiso tsa mantlha le tse ding ha mmoho le mekgwa ya sebopeho sa saense ya tlhaho ka ntshetsopele ya maikemisetso a temo;
phano ya tsebo ya theknoloji? ho bolela ho fetiswa ha tsebo, le mahlale a itseng ha mmoho mekgwa ya tshebetso bakeng tsa tshebediso teng;
LOT? e bolela Lekgotla la Diphuputso tsa Temo le hlomamisitsweng ka karolo ya 2;
Molao? o kenyeletsa molawana;
terasete? e bolela terasete jwalo ka ha e lohothwa Molaong wa Taolo ya Thepa ya Teresete wa 1988 (Molao wa Nomoro ya 57 wa 1988).
Tlhaloso ya ?terasete? e kentswe ka s. 1 sa Molao wa Nomoro ya 174 wa 1993.
e ntshetswa pele leqepheng la 203
Tlhomamiso ya Lekgotla la Diphuputso la Temo.- Mona ho hlomamiswa motho wa molao ya tla tsejwa e le Lekgotla la Diphuputso la Temo.
Maikemisetso a Lekgotla la Diphuputso la Temo .- Maikemisetso a Lekgotla la Diphuputso la Temo ke, hore ka diphuputso, ntsetsopele le phano ya theknoloji ho kgothaletswe temo le indasteri mme ka ho etsa jwalo ho kenngwe letsoho ka nyehelo ntlafatsong ya boleng ba bophelo ba batho ba Riphaboliki, le ho nkela hloohong tshireletso ya tikoloho ha ho etswa mesebetsi e meng e ka nnang ya fuwa Lekgotla la Diphuputso la Temo ka Molao ona kapa tlasa Molao ona.
Mesebetsi, matla le boikarabelo ba Lekgotla la Diphuputso la Temo LOT.- Hore lekgotla lena le kgone ho fihlella maikemisetso a lona Lekgotla la Diphuputso la Temo le ka ?
a etsa le ho kgothaletsa diphuputso, ntshetsopele le ho fana ka theknoloji e mabapi le -
i tshebediso e phethahetseng ya mehlodi ya temo le ntlafatso ya bokgoni ba tlhahiso ba mehlodi e jwalo;
ii tlhabollo le ntlafatso ya mehlodi ya temo;
iii tlhahiso ya menyetla le taba ya ho fehla tsebo e ntjha ho rarolla mathata a itseng;
iv ntlafatso ya boleng ba phepo le boleng ba dihlahiswa tsa temo;
v tshilafatso ya tikoloho le thibelo ya teng mabapi le temo;
vi ntlafatso ya mahlale a teng le boqapi ba mahlale a matjha a ho sebetsana le dihlahiswa tsa temo le ho ntlafatsa poloko ya boleng ba dihlahiswa tsa temo tse senyehang;
b sebedisa botsebi ba theknoloji bo leng teng le ho etsa hore bo fumanehe ka kakaretso;
c phatlalatsa lesedi le amanang le maikemisetso a lona le mesebetsi ha mmoho le ho theha menyetla ya pokeletso le ya ho qhalanya lesedi mabapi le diphuputso ha mmoho le ntshetsopele;
d theha le ho laola menyetla mahlakoreng ao a diphuputso, ntshetsopeleng le phano ya mahlale ao Lekgotla le tla a tsepamisa kgafekgafetsa;
e kgothaletsa tshebedisano dipakeng tsa Riphaboliki le dinaha tse ding mabapi le diphuputso, ntshetsopele le phano ya mahlale;
f sebedisana le batho, dibopeho le mekgatlo e etsang diphuputso, ntshetsopele le phano ya mahlale dinaheng tse ding;
g sebedisana le dibopeho dife kapa dife kapa motho ho kgothaletsa diphuputso le ntshetsopele, kapa ho kena tumellanong le dibopeho tse jwalo kapa motho ya jwalo ho etsa diphuputso le ntshetsopele ya Lekgotla la Diphuputso la Temo;
h sebedisana le balaodi ba thuto le mekgatlo ya saense kapa ya mahlale a thekniki ho la Riphaboliki bakeng sa kgothaletso ya ?
ithupelo ya bafuputsi ba ka bang teng dikolong, ditheknikoneng, dikoletjheng le diyunivesithing; le iithupelo ya bafuputsi le ditsebi tsa mahlale;
i nehelana ka dithuso dibopehong dife kapa dife bakeng sa ntshetsopele ya diphuputso le ntshetsopele ya moifo wa teng wa basebetsi kapa bakeng sa ho thehwa ha menyetla ya diphuputso le ntshetsopele;
j kgothaletsa thupelo ya basebetsi ba diphuputso ka mokgwa wa ho nehelana ka dibasari kapa dithuso tse thusang diphuputsong, ntshetsopeleng le phanong ya mahlale le taba ya ho etswa ha dinyehelo tsa ditjhelete bakeng sa diphuputso, ntshetsopele le mananeo a phano ya mahlale;
k nehelana ka dibasari tsa dithuto le dikadimo tsa thuto mothong ofe kapa ofe;
l ho latela dipallo tsa karolo ya 5, le ka tlabola dilekane le motho ofe kapa ofe, dibopeho, mmuso kapa tsamaiso, ho latela dipehelo tseo Lekgotla la Diphuputso la Temo le ka dumellanang ka tsona le motho, sebopeho, mmuso kapa tsamaiso;
lA reka kapa ha ho lokeleha la fumana, kapa la ruwa, la hira, la arohanya, la hirisa, la beha paneng kapa la tshwarisa thepa e kgonang ho thothwa;
Kgaolo (lA) e kentsweng ka s. sa 1(a) sa Molao wa Nomoro ya 12 wa 1993.
m ka kananelo ya Letona, le ka sebetsa ka therisano le Letona la Tjhelete-
i la reka kapa la fumana kapa la rua, la hira, la arola, la hirisa, la beha paneng kapa la tshwarisa thepa e kgonang ho thothwa;
Karolwana ya (i) e nkelwang sebaka ke s. sa 1(b) sa Molao wa Nomoro ya 12 wa 1993
ii ho kadimana ka tjhelete kgafetsa ho latela dipehelo tse tla ananelwa ke Lekgotla ka sepheo sa ntshetsopele ka mokgwa wa dikadimo tse tswang mohloding ofe kapa ofe le mabapi le tshireletso eo Lekgotla le ka e nkang e loketse;
iii ka bolona kapa ka kopanelo le motho e mong le e mong, le ka theha khampani ka sepheo sa ntshetsopele kapa ka ho sebedisa ka tsela efe kapa efe boqapi bo bong le bo bong kapa botsebi ba theknoloji mme ka sepheo sena la e ba le tjantjhello kapa taolo ya khampani kapa mokgatlo wa molao oo ho buuweng ka ona karolong ya Molao wa lefapha la mmuso le laolang ditjhelete tsa setjhaba wa 1975 Molao wa Nomoro ya 66 wa 1975; le iv ka bolona kapa ka kopanelo le motho ofe kapa ofe le ka theha terasete ya tsamaiso ya dimpho, dinyehelo le ditjhelete tseo ho neng ho buuwa ka tsona karolong ya 20 5 c;
n ho hira kapa ho hirisa ditshebeletso;
o ntshetsopele le phano ya mahlale jwalo ka sehlahiswa sa diphuputso e lokela ho etswa kapa ho etswe hore e etswe ke Lekgotla la Diphuputso la Temo -
i ho hlahisa le ho rekisa dipehelo, mananeo a khompuyuta le thepa e nngwe ya boqapi;
ii ho hlahisa le ho rekisa diletsa, disebediswa le dintho tse tshwanang le tse jwalo;
iii ho hlahisa, ho sebetsa le ho rekisa dihlahiswa;
iv ho etsa kapa ho batla ba tla etsa diphuputso tsa mmaraka le ho rekisa sephetho sa teng; le v ho fana ka ditshebeletso tse sa ameheng le diphuputso ka ho otloloha, ha e ba ho na le tefo e teng;
p ho theha kapa ho etsa hore mokgatlo ofe kapa ofe wa diphuputso, yuniti kapa mosebetsi kapa ho beha tlasa taolo ya yunivesithi efe kapa efe, theknikone, kholetjhe kapa sebaka sefe kapa sefe se seng sa thuto kapa sa saense ka dipehelano tseo ho tla dumellanwa ka tsona;
q ho etsa tsohle tseo ho ya ka maikutlo a Lekgotla di hlekelang hore ho tle ho fihlellwe maikemisetso a lekgotla kapa di balellwang, ka kotloloho kapa ka tsela e sa otlolohang, di matlafatsa kapa di tlisa boleng bo nang le phaello theepeng kapa ditokelong tsa Lekgotla la Diphuputso la Temo
Lekgotla la Diphuputso la Temo hodima mesebetsi ya lona ho latela Molao kapa molawana ofe kapa ofe, le tla ?
a ho latela maikemisetso a lona, etsa dipatlisiso, diphuputso, ntshetsopele le ho fana ka mahlale ho latela ka moo Letona le ka abang mosebetsi ka teng;
b eletsa Letona ka diphuputso, ntshetsopele le ho fana ka mahlale lehlakoreng la temo; mme c hokela ka boithaopo lesedi le itshetlehileng diphuputsong tsa temo le ntshetsopeleng ho la Riphaboliki ka ho phethisa le ho boloka rejistara e bohareng ya diphuputso tsa temo le merero ya diprojeke tsa ntshetsopele, le ho phethisa mehato e tla bonwa e loketse ho ka fihlela sepheo se jwalo.
Tshebediso ya matla a Lekgotla la Diphuputso la Temo kantle ho Riphaboliki.- Lekgotla la Diphuputso la Temo ka kopo kapa ka kananelo e fumanehileng esale pejana ho Letona, le tla etsa diphuputso, ntshetsopele le ho fana ka mahlale lebatoweng lefe kapa lefe le kantle ho Riphaboliki lebitsong la motho ofe kapa ofe (ho kenyeleditswe le mokgatlo wa sebopeho sefe kapa sefe, mmuso kapa tsamaiso)
Ho ntse ho ikamahantswe le dipallo tsa karolwana ya 3, dipallo tsa Molao ona ho ya ka moo di ka kgonang ho sebediswa ka teng, di tla sebetsa ka phethahatso ka ho tlisa diphetoho tse hlokehang tshebedisong ya matla a Lekgotla la Diphuputso la Temo ho latela karolo ena jwalo ka ha e ka lebatowa leo matla ana a sebediswang ho lona le ne le le kahare ho Riphaboliki.
Ntle le ho tlisa kgohlano ho se fuperweng ke Molao ona, diphuputso, ntshetsople le phano ya mahlale tlasa karolwana ya 1 di tla etswa ho latela dipehelano tseo ho ka nnang ha dumellwanwa ka tsona dipakeng tsa Lekgotla la Diphuputso la Temo le motho ho kenyeletswa mokgatlo wa sebopeho sefe kapa sefe, mmuso kapa tsamaiso eo lebitsong la hae diphuputso, ntshetsopele le phano ya mahlale di tla etswa ka ena, mme di ka nna tsa ananelwa ke Letona.
Letona ka ditherisano le Letona la Ditjhelete le ka rola Lekgotla la Diphuputso morwalo bakeng sa ditahlehelo dife kapa dife tseo le ka bang le tsona ka lebaka la ketso efe kapa efe kapa phoso ya motho, ya mokgatlo, mmuso kapa tsamaiso eo ho buuweng ka yona karolwaneng ya 1.
Molao wa Tsamaiso.- Presidente ye Mmuso e ka etsa kgweletso Koranteng ya Mmuso ho tsepamisa hore matla afe kapa afe kapa mosebetsi ofe kapa ofe a hlalositsweng kgweletsong ho latela Molao ona a fuweng kapa a qobeletsweng Letona, a tla sebediswa kapa a tla etswa ke Letona ka morao ho ditherisano le e mong kapa ba bang ba Matona a hlalositsweng.
Ho fana ka mesebetsi kapa matla.- Mopresidente wa Mmuso ka morao ho ditherisano le Letona ha mmoho le Lekgotla ha mmoho le khansele, lekgotla kapa mokgatlo tse thehilweng ka Molao ofe kapa ofe wa Palamente, e ka aba mosebetsi ofe kapa ofe kapa matla a tshepetsweng kapa a fuweng khansele efe kapa efe e jwalo, lekgotla kapa mokgatlo ho Lekgotla la Diphuputso la Temo hore ebe lona le etsang mosebetsi oo kapa le sebedisang matla a jwalo.
Mopresidente wa Mmuso ka morao ho ditherisano le Letona ha mmoho le Lekgotla ha mmoho le khansele, lekgotla kapa mokgatlo o thehilweng ke kapa tlasa Molao ofe kapa ofe wa Palamente, e ka fetisetsa mosebetsi ofe kapa ofe kapa matla a tshepetsweng kapa a fuweng Lekgotla ho khansele, lekgotla kapa mokgatlo hore ebe tsona tse etsang mosebetsi kapa tse sebedisang matla a jwalo.
Lekgotla la Diphuputso la Temo kapa khansele, lekgotla kapa mokgatlo tseo ho buuwang ka tsona karolwaneng ya 1 le ya 2 ka kananelo e tswang ho Letona le amehang, le ka fetisetsa thepa efe kapa efe, ho kenyeleditswe naha le meaho, e sebediseditsweng tshebetso kapa tshebediso ya mosebetsi kapa matla a fetiseditsweng ho khansele, lekgotla kapa mokgatlo o amehang kapa ho Lekgotla la Diphuputso la Temo, ho latela ka moo maemo a ka bang ka teng.
Taolo hodima, le tsamaiso ya ditaba tsa Lekgotla la Diphuputso la Temo -
Ditaba tsa Lekgotla la Diphuputso la Temo le tla laolwa ke khansele, eo ho latela dipallo tsa Molao ona, e tla tsepamisa leano le maikemisetso a Lekgotla la Diphuputso la Temo le ho sebedisa taolo ka kakaretso hodima tshebetso ya mesebetsi, tshebediso ya matla le phethahatso ya mesebetsi.
Letona neng kapa neng le ka thibela phetapheto ya mesebetsi ya Lekgotla la Diphuputso la Temo le ya mekgatlo e meng mme ho latela dipallo tsa karolwana ya 3, la tshwara taba efe kapa efe e amanang le diphuputso, ntshetsopele le ho fana ka mahlale e etseditsweng monyetla ke Molao, e le taba eo qeto ya yona ya Lekgotla e tla itshetleha tumellong e tswang ho Letona.
Letona le Letona la Ditjhelete mmoho kgafekgafetsa ba ka nna ba tshwara taba efe kapa efe ya ditjhelete e etseditsweng monyetla ke Molao ona e le taba eo qeto ya yona ya Lekgotla e tla itshetleha ho Letona ka ditherisano le Letona la Ditjhelete.
Sebopeho sa Lekgotla.- Lekgotla le tla botjwa ka-
a modulasetulo;
b bonyane ditho tse 8 empa eseng tse fetang 15 tse ding tse kgethilweng ke Letona; le c presidente, ya tla sebetsa Lekgotleng ho latela matla a kantoro ya hae.
a Ditho tseo ho builweng ka tsona karolwaneng ya 1 a le b di tla kgethwa ho latela tsebo le boitsebelo ba bona ba temo, thekiso, thupelo ya balemi le dingaka tsa diphoofolo, tsamaiso ya kgwebo le ya ditjhelete, molao, tikoloho, ntshetsopele ya dibaka tseo eseng tsa metseng ya diteropo, kapa diphuputso, ntshetsopele kapa ho fana ka mahlale lehlakoreng la temo.
b Popong ya Lekgotla ditabatabelo tsa provense e nngwe le e nngwe di tla nkelwa hloohong.
a Ha feela setho sa Lekgotla se lokela hore se kgethwe, Letona -
i ho latela tsebiso bonyane dikoranteng tsa naha tse pedi le dikoranteng tse ngata tsa selehae ho ya ka moo Letona le tla tsepamisa dintho ka teng, le tla mema batho, baamehi le Tonakgolo ya Mmuso wa Provense e nngwe le e nngwe ho mo nehela mabitso a batho nakong e boletsweng tsebisong;
ii le tla theha komiti e bopilweng ka batho ba palo e itseng eo Letona le tla e beha, a hlome modulasetulo wa komiti le ho nehela komiti mabitso a batho ba thontsweng kaofela a amohetsweng.
b Modulasetulo wa komiti e loketseng ya Palamente le modulasetulo wa komiti e tsamaelanang le moo ya Senate, kapa baemedi ba bona, e tla ba ditho tsa komiti ena eo ho buuwang ka yona seratswaneng sa a ii.
d Komiti eo ho buuwang ka yona seratswaneng sa a ii mabitsong a ba thontsweng a tekilweng ka pele ho Letona, e tla hlophisa lenaneo le le kgutshwanyane la bathonngwa ba loketseng ho ka iketela mosebetsi ba nang le tsebo le boitsebelo ba taba efe kapa efe eo ho buuweng ka yona karolwaneng ya 2, le ho le teka ka pele ho dikomiti tsa palamente tseo ho buuweng ka tsona seratswaneng sa b.
e Setho sa Lekgotla se tla kgethwa ke Letona ka morao hoba le tebise maikutlo ka dikgothaletso tseo a di etseditsweng ho latela seratswana sa d: Ha e ba Letona le sa dumellane le dikgothaletso, Letona le tla fetisetsa taba ena hape ho dikomiti tsa Palamente tseo ho buuweng ka tsona seratswaneng sa b bakeng sa ditherisano.
Ha ho motshwari wa kantoro wa dipolotiki ho latela ka moo ho hlalositsweng ka teng karolong ya 190A ya Molao wa motheo, ha mmoho le setho sa Ntlo ya Provense ya Marena, Lekgotla la Marena, Volkstaat Council kapa mmuso wa selehae, le mokga ofe kapa ofe wa dipolotiki wa molao, ya tla kgethwa jwalo ka setho sa Lekgotla
S.9 se nketsweng sebaka ke s. sa 1 sa Molao wa Nomoro ya 16 wa 1996
Moputso, ditlhapiso le dipehelo tsa mosebetsi tsa ditho tsa Lekgotla.-
Setho sa Lekgotla ntle le motho ya mosebetsing o phethahetseng wa moshwella wa Mmuso, se tla amohela moputso le ditlhapiso ho latela ka moo Letona le tla di beha hore di be ka teng ka tshebedisano le Letona la Ditjhelete: Ha feela moputso le ditlhapiso tsa ditho di ka fapafapana ho latela hore naa ba sebetsa mosebetsi wa moshwella kapa wa nakwana.
Dipehelo tsa mosebetsi tsa setho sa Lekgotla seo eseng mohlanka ho latela tlhaloso ya karolo ya 1 1 ya Molao wa Tshebeletso ya Setjhaba wa 1984 Molao wa Nomoro ya 111 wa 1984, di tla tsepamiswa ka tshebedisano le Letona la Ditjhelete.
Moputso le ditlhapiso tseo ho buuwang ka tsona karolwaneng ya 1 le ditshenyehelo tsa ditjhelete tse amanang le dipehelo tsa mosebetsi tseo ho buuwang ka tsona karolwaneng ya 2, o tla lefuwa ka ditjhelete tsa letlole la Lekgotla la Diphuputso la Temo.
Modulasetulo le motlatsi wa modulasetulo wa Lekgotla.- Letona, ka morao hoba le tshware ditherisano le Lekgotla, le tla kgetha motho jwalo ka modulasetulo mme Letona ka boinahanelo ba lona le ka thibela kgetho e jwalo neng kapa neng: Ha feela nakong ya Lekgotla la pele modulasetulo eo a tla kgethwa ke Letona feela.
a Letona ka morao ho ditherisano le modulasetulo le tla kgtha e mong wa ditho tsa Lekgotla hore ebe motlatsi wa modulasetulo, ya tla sebetsa jwalo ka modulasetulo nakong eo modulasetulo, ka mabaka afe kapa afe a leng siyo, kapa a sa kgoneng ho etsa mosebetsi wa bodulasetulo, kapa ha a kopuwa ho etsa mosebetsi oo ke modulasetulo.
b Letona boinahanelong ba lona nakong efe kapa efe le ka thibela kgetho e entsweng seratswaneng sa a.
Ha modulasetulo le motlatsi wa modulasetulo wa Lekgotla ka lebaka lefe kapa lefe a le siyo kapa a sa kgone ho etsa mosebetsi, Lekgotla hara ditho tsa lona le tla kgetha motho ya tla tshwara mosebetsi wa bodulasetulo.
Nako ya mosebetsi ya ditho tsa Lekgotla.- Setho sa Lekgotla, ntle le presidente, se tla ba mosebetsing nakong e sa feteng dilemo tse tharo, empa se tla ba le monyetla wa ho ka kgethwa hape.
Setho sa Lekgotla se tla tlohela kantoro ha e ba-
Serapa (a) e hlakotsweng ka s.2 (a) ya Molao wa Nomoro ya 16 ya 1996.
b se phatlalatswa se futsanehile kapa se nehelane ka leruo la sona molemong wa batho bao a nang le molato ho bona.
c se fumanwa se le molato ka tlolo ya molao ebile se ahlolelwa ho hlola tjhankaneng ntle le boikgethelo ba kotlo ya ho lefiswa tjhelete e itseng;
d se le siyo dikopanong tse tharo tse hlahlamanang tsa Lekgotla ntle le tumello ya modulasetulo;
e se lesa mosebetsi jwalo ka setho;
f se thonngwa jwalo ka nkgetheng bakeng sa ho kgethwa jwalo ka setho sa Palamente, Ntlo ya Marena a Provense, Lekgotla la Marena, Volkstaat Council, Lekgotla le etsang molao la provense, kapa lekgotla kapa mokgatlo o mong wa puso ya moifo wa mmuso wa selehae kapa ha se kgethilwe hoba mohlanka wa mokga wa dipolotiki; kapa
Serapa sa (f) se nkelwang sebaka ke s. 2 (b) sa Molao wa Nomoro ya 16 wa 1996
g nako ya setho ya kantoro e kgaotswa ho latela karolwana ya 3.
Letona nakong efe kapa efe le ka lokolla mosebetsing setho sa Lekgotla ha e ba letona le nahana hore setho seo se hloleha ho phetha mesebetsi ya sona kapa se molato ka boitshwaro bo bobe.
Ha e ba setho se hlokahala kapa se ngolla letona ka tsebiso ya hore se itokolla mosebetsing kapa ho latela karolwana ya 2 kapa ya 3 se lesa hoba setho, Letona ho latela dipallo tsa karolo ya 9 le tla kgetha motho e mong sebakeng sa setho seo hore a sebetse nako e setseng ya tshebetso ya ditho tsa lekgotla leo.
Ha e ba ha ho fela nako ya pheletso ya lekgotla ho se na motho e motjha ya kgethilweng bakeng sa setho se neng se kgethilwe, setho sena se tla dula se ntse se sebetsa ho fihlela ho kgethwa motho eo ya jwalo: Ha feela setho se tla dula tshebetsong eo bakeng sa nako e sa tloleng dikgwedi tse tharo.
Karolwana ya e ekeditsweng ke s. sa 2 (c) sa Molao wa Nomoro ya 16 wa 1996
Dikopano tsa Lekgotla.- Dikopano tsa Lekgotla di tla tshwarwa ka dinako tse tla behwa ke Lekgotla di tshwarelwa dibakeng tse tla tsepamiswa ke lekgotla: Ha feela kopano ya pele e tla tshwarelwa sebakeng se tla behwa ke modulasetulo ha mmoho le nako.
Modulasetulo kapa bosiyong ba hae motlatsi wa modulasetulo, nakong efe kapa efe a ka bitsa kopano e ikgethang ya Lekgotla, e tla tshwarelwa sebakeng seo modulasetulo kapa motlatsi wa modulasetulo a tla se beha ha mmoho le nako ya kopano eo, ho latela maemo a teng a ditaba; ntle le moo nakong eo ditho tse hlano tsa Lekgotla bonyane di ileng tsa nehelana ka kopo e ngotsweng ho Letona mabapi le taba ena, ke moo kopano e ikgethang ya Lekgotla e tla tshwarelwa sebakeng seo Letona le tla laela hore se tshwarelwe ho sona ha mmoho le nako eo le tla e beha.
Khoramo ya kopano ya Lekgotla e tla ba bongata ba ditho tsa lona.
Qeto ya Lekgotla e tla etswa ka qeto ya bongata ba ditho tse teng kopanong e nngwe le e nngwe ya Lekgotla mme ha ho ka etsahala hore divoutu di lekane ka palo ntlheng efe kapa efe, motho ya tsamaisang kopano eo o tla ba le voutu e kgaolang kgang ha mmoho le voutu ya hae jwalo ka setho sa Lekgotla.
Modulasetulo a ka dumella motho ofe kapa ofe eo ho ya ka maikutlo a hae a nang le thahasello mesebetsing ya Lekgotla la Diphuputso la Temo ho ba teng dipuisanong tsa Lekgotla, kapa ho thonya motho bakeng sa sepheo se jwalo, le ho kenela dipuisano tse jwalo tsa Lekgotla tseo ho latela maikutlo a modulasetulo di amanang le tabatabelo tsa motho eo kapa ditabatabelo tse emetsweng ke motho ya jwalo, empa motho eo ya jwalo kapa mothonngwa wa hae a keke a dumellwa ho voutela qeto efe kapa efe.
Ho tla bolokwa metsotso ya dipuisano tsa kopano e nngwe le e nngwe ya Lekgotla, mme metsotso ena e tla tiiswa ka potlako ka moo ho ka kgonehang ka teng kopanong e hlahlamang ya Lekgotla.
Dikopano tsa Lekgotla tse nkwang di tshwerwe ka tsela e nepahetseng.- Ha feela metsotso ya dipuisano kopanong e tiisitswe ho latela karolo ya 13 , kopano e jwalo e tla nkuwa e ile ya bitswa mme ya tshwarwa, dithong tsohle tse neng di le teng kopanong ho tla nkuwa hore di ne di na le tokelo ya ho ba teng kopanong le ho kenela dipuisano tsa kopano, ntle le moo ho ka hlahiswang mabaka a mang a bontshang hore tseo kaofela ha di a phethahala.
Matla a tshebetso a diqeto le melao ya Lekgotla.- Ha ho qeto kapa molao wa Lekgotla kapa molao o entsweng tlasa matla a Lekgotla e tla hloka matla a tshebetso ka lebaka feela la ntlha ya hore Lekgotla le ne le hloka palo ya ditho kaofela eo ho buuwang ka yona karolong ya 9 , kapa ka lebaka feela la ntlha ya hore motho ya kgaotsweng o ne a le teng kopanong kapa o sebeditse jwalo ka setho sa Lekgotla nakong eo qeto e jwalo e neng e fihlelwa kapa ha molao o jwalo o ne o etswa.
Komiti ya Phethahatso ya tsamaiso.-Lekgotla le tla thonya komiti ya phethahatso ya tsamaiso e tla thehwa ka presidente le ditho tse ding tse itseng tseo e tla be e le basebetsi ba Lekgotla la Diphuputso la Temo, ho ya ka moo Lekgotla le tla fumana ho hlokeha ka teng, e tla jara boikarabelo ba taolo ya ditaba tsa Lekgotla la Diphuputso la Temo ho latela maikemisetso le leano la Lekgotla la Diphuputso la Temo, ho ya ka ditaelo le taolo ya Lekgotla.
Dikomiti tsa Lekgotla.- (a) Lekgotla le ka thonya komiti e le nngwe kapa tsa palo e fetang moo tse bitswang dikomiti tsa lekgotla, tseo ho latela ditaelo tsa Lekgotla, di tla sebetsa mesebetsi ya Lekgotla ho ya ka moo Lekgotla le tla tsepamisa dintho ka teng: Ha feela dikomiti tse latelang tsa lekgotla di tla kgethwa:
i Komiti ya lekgotla eo kgafekgafetsa e tla dula e hlahloba mesebetsi ya Lekgotla la Diphuputso la Temo ho ya ka maikemisetso a Lekgotla la Diphuputso la Temo; le ii Komiti ya lekgotla e tla hlokomela ditaba tsa ditjhelete tsa Lekgotla la Diphuputso la Temo.
b Komiti e jwalo e tla botjwa ka motho a le mong kapa batho ba palo e fetang moo, ho latela ka moo Lekgotla le tla tsepamisa dintho ka teng, bao eleng ditho tsa Lekgotla, basebetsi ba Lekgotla la Diphuputso la Temo kapa ditsebi tse ding.
c Lekgotla le ka qhala komiti eo ho buuweng ka yona seratswaneng sa b nakong e nngwe le e nngwe kapa la fokotsa kapa la eketsa palo ya ditho tsa lona.
d Ha komiti eo ho buuwang ka yona seratswaneng sa a e bopilwe ka palo ya ditho tse fetang setho se le seng, Lekgotla le tla thonya setho sa komiti jwalo ka modulasetulo wa komiti e jwalo.
a Presidente a ka thonya komiti e le nngwe kapa tse fetang moo ka palo, tse bitswang dikomiti tsa moralo, tse tla -
i rala karolo ya diphuputso le ho tsepamisa ditlhoko tse lokelang ho tliswa pele ho tse ding ho ya ka moo ho loketseng ka teng;
ii rala ditjhelete tsa diphuputso tse lohothwang, ntshetsopele le nehelano ya theknoloji, di ntse di nketse hloohong botsebi bo fumanehang le ditshenyehelo tsa bona;
iii hlahloba tswelopele ya diphuputso, ntshetsopele ya merero ya diprojeke tsa nehelano ya theknoloji;
iv sebetsa mesebetsi e meng e tla tsepamiswa ke presidente ho latela ditaelo tsa presidente, e sebetsang ka morao hoba e tshware ditherisano le Lekgotla b Komiti eo ho buuwang ka yona seratswaneng sa a e tla botjwa ka setho se le seng kapa ditho tse fetang moo ka palo, se tla kgethwa ke presidente boinahanelong ba hao basebetsing ba Lekgotla la Diphuputso la Temo, ditsebing tse ding le bathong ba bang ba tla be ba thontswe ke makgotla a bolaodi a nang le thahasello c Presidente a ka qhala kapa a bopa botjha komiti e jwalo d Ha komiti e jwalo e bopilwe ka batho ba fetang motho a le mong ka palo, ditho tsa komiti di tla thonya setho sa komiti eo jwalo ka modulasetulo wa yona.
e Komiti eo ho buuweng ka yona seratswaneng sa a e ka nna ya kgetha dikomitjana ho latela taelo tsa presidente.
Lekgotla la Diphuputso la Temo le ka lefa ditho tsa komiti efe kapa efe eo ho buuwang ka yona karolwaneng tsa 1 le 2 tse seng tshebetsong ya moshwella ya Mmuso, kapa tseo eseng ditho tsa Lekgotla kapa tse sa sebeletseng Lekgotla la Diphuputso la Temo, tefo le ditlhapiso tse tla tsepamiswa ke Letona ka tumellano le Letona la Ditjhelete.
Lekgotla kapa Presidente ba keke ba ithola morwalo wa boikarabelo ba tshebetso ya mosebetsi ofe kapa ofe oo karolo ena e o fileng komiti e nngwe le e nngwe ya lekgotla kapa komiti ya marolo.
Mopresidente wa Lekgotla la Diphuputso la Temo.- Lekgotla le tla kgetha mohlanka ya ka sehloohong wa phethahatso wa Lekgotla la Diphuputso la Temo, ya tla tshwara mosebetsi wa bopresidente ba Lekgotla la Diphuputso la Temo: Ha feela presidente wa pele a tla kgethwa ke Letona.
Presidente e tla ba modulasetulo wa Komiti ya Phethahatso ya tsamaiso, mme ha mmoho le ditho tse ding tsa komiti, o ikarabella taolong ya ditaba tsa Lekgotla la Diphuputso la Temo, mme o tla fana ka pehelo ditabeng tse jwalo ho latela ka moo Lekgotla le tla hloka hore ho etswe ka teng.
Ha presidente a le siyo ka mabaka afe kapa afe kapa a hloleha ho etsa mesebetsi ya hae, kapa ha ho na le sekgeo kantorong ya presidente, Lekgotla ho ya ka moo le tla tsepamisa dipehelano le tefo ya ditefello tse jwalo ha mmoho le ditlhapiso ho latela ka moo ho lohothwang ka teng karolwaneng ya , le tla kgetha mosebetsi wa Lekgotla la Diphuputso la Temo ho tshwara mosebetsi wa presidente mokobobo nakong ya bosiyo ba hae le nakong eo a ntseng a hloleha ho etsa mosebetsi wa hae ka yona, kapa ho fihlela presidente a kgethwa ho latela karolwana ya , mme mosebetsi eo nakong eo a ntseng a tshwere mosebetsi oo mokobobo, o na le matla kaofela a bopresidente mme o etsa le mesebetsi kaofela ya presidente.
Presidente o tla kgethwa nakong e sa feteng dilemo tse hlano ka dipehelano tse jwalo, ho kenyeleditswe dipehelano tse amanang le tefo ya moputso le ditlhapiso ho latela ka moo Lekgotla le tla tsepamiswa ditaba ka teng ho latela dipallo tsa karolo ya 19 (b), empa ha nako ya hae e fedile ya mosebetsi, ha e ba a dumela, a ka nna a boela a kgethwa hape.
Moifo wa Basebetsi ba Lekgotla la Diphuputso la Temo le dipehelano tsa mosebetsi wa bona.- (a) Presidente ho latela seratswana sa (b) ka dipehelano tse behilweng ke Lekgotla, a ka kenya mosebetsing mosebetsi ya hopolang hore o a hlokeha ho etsa mesebetsi ya Lekgotla la Diphuputso la Temo.
bLekgotla la Diphuputso la Temo le tla lefa basebetsi ba lona moputso le ditlhapiso, dithuso le menyetla e meng e tla behwa ke Lekgotla, ho latela mokgwa o ananetsweng nako le nako ke Letona, ka ditumellano le Letona la Ditjhelete.
c Lekgotla la Diphuputso la Temo ha mmoho le basebetsi bao ho buuwang ka bona seratswaneng sa a le ka thuswa phethahatsong ya tshebetso ya lona ke bahlanka le basebetsi ba tshebeletsong ya setjhaba bao Lekgotla la Diphuputso la Temo le dumeletsweng ho ba sebedisa ho latela karolo ya 143a ya Molao wa Tshebeletso ya Setjhaba, wa 1984 Molao wa Nomoro ya 111 wa 1984.
d Motho ofe kapa ofe ya mosebetsing wa tshebeletso ya setjhaba, ka tumello ya hae e ngotsweng le tumello ya hlooho ya lefapha leo a sebetsang ho lona, a ka fetisetswa mosebetsing wa Lekgotla la Diphuputso la Temo, ka morao ho letsatsi la ho fetisetswa tshebetsong ya lekgotla, o tla nkuwa a sebetsa karolong ena: Ha feela-
i moputso wa hae kapa sekepele sa moputso wa hae mabapi le mosebetsi oo se seke sa ba ka tlase ho se mo tshwanetseng jwalo ka motho ya fuweng mosebetsi ke Mmuso;
ii nako efe kapa efe ya phomolo ya ho kula kapa ya phomolo e neng e le molemong wa motho ya jwalo pejana a fetisetswa mosebetsing o motjha e tla nkuwa e le nako ya hae eo a lokelang ho e fuwa jwalo ka motho ya sebeletsang Lekgotla.
iii penshene ya mosebetsi o e entsweng kapa e rekilweng ke motho ya jwalo pele a fetisetswa mosebetsing o motjha e tla nkuwa e le tshebetso ya penshene e entsweng ke mosebetsi enwa tshebeletsong ya Lekgotla la Diphuputso la Temo;
iv ha ho motho eo ka lebaka la ho fetisetswa mosebetsing o motjha ka mokgwa o jwalo, le a fuweng mosebetsi ya tla fumana dilemo tsa ho lesa mosebetsi tse ka hodimo ho tse mo loketseng tshebeletsong ya Setjhaba; mme v motho ya jwalo a ka etsa kopo -
aa ya hore a phatlalatswe jwalo ka setho se sa hlahellang ho latela karolo ya 15 ya Molao wa Penshene e Akaretsang wa 1979 Molao wa Nomoro ya 29 wa 1979;
bb ya ho ba setho ho latela Molao wa Letlole la Penshene la Mekgatlo e
Amehang wa 1963 (Molao wa Nomoro ya 41 wa 1963), hoba setho sa letlole ho latela ka moo le hlalositsweng ka teng karolong ya 1 ya
cc hoba setho sa letlole leo eleng la bona la penshene ho latela ka moo le hlaloswang ka teng karolong ya pele ya seratswana sa (g)
e Moputso kapa sekepele sa moputso seo ho buuweng ka sona seratswaneng sa d i ha se a lokela hore se fetolwe ntle le tumello e ngotsweng ya motho ya amehang.
f Lekgotla ho latela dipehelano tseo le nahanang hore di lokile, le ka kadimana ka mosebetsi wa Lekgotla la Diphuputso la Temo, bakeng sa tshebetso e itseng kapa bakeng sa nako e itseng, tshebeletsong ya lefapha la Mmuso, mmusong wa naha efe kapa efe kapa wa lebatowa le leng, ho mokgatlo kapa ho motho kahare kapa kantle ho Riphaboliki, ha feela ditokelo tsa mosebetsi ya jwalo, menyetla le melemo eo a nang le yona ho latela dipehelano tsa mosebetsi wa hae jwalo ka mosebetsi wa Lekgotla la Diphuputso la Temo di sa amehe ka tsela e fosahetseng ke kadimano ena: ntle leha mosebetsi a sa kadingwe tshebeletso ya mmuso wa naha e nngwe kapa lebatowa le leng, kapa mokgatlo kapa motho e mong kantle ho Riphaboliki ntle le tumello ya mosebetsi eo.
g Lekgotla la Diphuputso la Temo ka mabaka a Molao wa Letlole la Penshene ya Mekgatlo e Amehang, wa 1963 (Molao wa Nomoro ya 41 wa 1963), le tla nkuwa e le mokgatlo o amehang: Ha feela Lekgotla la Diphuputso la Temo, tlasa Molao wa Letlole la Penshene wa 1956 (Molao wa Nomoro ya 24 wa 1956), le ka theha letlole lefe kapa lefe la penshene kapa matlole bakeng sa basebetsi ba lona: Ha e ba kopo ya tjhelete ya mosebetsi letloleng lena le letjha nakong eo ebang setho sa letlole, e keke ya eba ka tlase ho tjhelete eo mosebetsi ya jwalo a neng a na le yona ka letsatsi le boletsweng ho latela mosebetsi o entsweng ke setho sa letlole sa penshene e tsamaiswang ke Lefapha la Naha la Bophelo bo botle le Ntshetsopele ya Setjhaba leo e neng e le setho sa lona nakong e tlileng pele ho mohla a kenang letloleng le letjha la penshene.
h Ntlheng ya moo mosebetsi a etsang kopo ya hoba setho sa, mme menyetla ya dipenshene tsa hae e fetiseditswe ho, letlole la penshene leo ho buuweng ka lona seratswaneng sa (g)-
i botho ba hae ba letlole la penshene leo menyetla ya hae ya penshene e tlositsweng ho lona bo tla kgaotsa mme a keke a sa hlola a ba le tjhelete e tswang letloleng lena la penshene;
ii letlole la penshene leo menyetla ya mosebetsi e tlositsweng ho lona le tla lefa letloleng la penshene leo setho se fetohang setho ho lona, tjhelete e lekanang le peresente ya tshehetso ya tjhelete ya letlole le boletsweng pele, e atisitswe ka palo ya tjhelete e badilweng ke ditsebi tsa dipalopalo tsa letlole mabapi le mosebetsi eo letsatsing leo a neng a fetisetswa letloleng le leng ka lona, ho kenyeletswa tswala e badilweng ho latela tswala ya banka ya ho fetiswa ha letsatsai leo ho fihlela letsatsing la tefo.
iii letlole la penshene leo menyetla ya mosebetsi ya penshene e fetisetswang ho lona le tla nehelana ka tseko tsohle tse teng tseo e ka bang le tsona letloleng la penshene ya mosebetsi enwa ya fetohang setho; mme iv mmuso mabapi le mosebetsi enwa hoba a fetohe setho sa letlole la penshene seratswaneng sa (g) le thehilweng ho latela Molao wa Penshene wa 1956 (Molao wa Nomoro ya 24 wa 1956), o tla lefa letloleng la penshene le jwalo tjhelete e lekanang le phapano e teng dipakeng tsa tjhelete e sebeditsweng ke ditsebi tsa ditjhelete tsa penshene letloleng leo mosebetsi a tswang ho lona tjhelete e lokelang ho lefuwa seratswaneng sa (ii), ha mmoho le tswala e badilweng ho latela tswala ya banka ho tloha mohla a tloswang ho fihlela letsatsing la tefo.
i Dipallo tsa seratswana sa h di tla sebetsa ka ho tlisa diphetoho tse hlokehang ho tsona ha e ba mosebetsi eo mohla a fetiswang mosebetsing wa Lekgotla ho latela seratswana sa d v aa ya kgethileng hore e be setho se sa hlahellang, boemong bo latelang tlasa karolo ya 15A ya Molao wa Dipenshene tse Akaretsang wa 1979 Molao wa Nomoro ya 29 wa 979, a kgethang ho melemo e ileng ya ba teng ya hae ya penshene e fetisetswe letloleng le leng.
j Ka mabaka a karolo ena-
i tjhelete e badilweng ke ditsebi tsa dipalopalo ya penshene mabapi le setho se ikgethang kapa sehlopha sa ditho tsa letlole, e bolela tjhelete eo, ho latela ka moo e tsepamisitsweng ke setsebi se laetsweng ke Letona la Naha la Bophelo le Ntshetsopele ya Setjhaba, mabapi le setho seo kapa sehlopha sa ditho tsa lekgotla.
ii peresente ya tshehetso ya letlole la penshene e bolela boleng ba mmaraka ba maruo a letlole bo hlahiswang e le peresente ya tjhelete yohle e badilweng ho latela ditsebi tsa letlole, ka morao hoba maruo le melato e fokotswe ka palo ya molato wa letlole ho beng ba dipenshene kaofela, ho latela ka moo ho behilweng ka teng nakong ya tlhahlobo e ntjha ya palo ya letlole kapa tlhahlobo efe kapa efe ya teng e entsweng ka ditaelo tsa Letona la Naha la
Bophelo le Ntshetsopele ya Setjhaba; mme iii tswala ya banka e bolela tswala e behwang nako le nako tlasa karolo ya ya Molao wa Banka ya Afrika Borwa ya Resefe wa 1989 Molao wa
Nomoro ya 90 wa 1989
Lekgotla la Diphuputso la Temo nako le nako ho latela dipehelo tse jwalo le ho latela tshireletso e jwalo ka moo e bonang ho hlokeha ka teng le tla-
a nehelana ka thuso ya tshireletso, ho kenyeletsa ditiiso, mokgatlong wa ditjhelete o ngodisitsweng mabapi le kadimo e fuwang mosebetsi ke mokgatlo oo wa ditjhelete, ho mo thusa mosebetsi ho fumana, ho hodisa thepa e sa kgoneng ho suthiswa ka mabaka a bodulo;
b haha, le etse hore ho hahwe, le reke kapa le hire matlo, diflete kapa meaho ya diflete moo ho tla dula basebetsi ba lona teng, mme le ka rekisa kapa la hirisa matlo ao kapa diflete ho basebetsi, kapa nehelana, la hirisa kapa la sebetsa ka mokgwa o mong ka mtlo, difele kapa meaho eo ya diflete; le c ho theha, ho phetha, ho haha kapa ho hlokomela dipapadi kapa mekgatlo ya boithapollo, dihlopha tsa setjhaba, ditshebeletso tsa setjhaba le tsa bophelo bo botle, direstjurente, dihostele, merero ya dibasari tsa thuso bakeng sa ho ithuta kapa mesebetsi e tshwanang le eo kapa merero eo ho latela maikutlo a lekgotla a ka tswelang basebetsi ba lona molemo.
Ha motho ya hirilweng boemong bofe kapa bofe kapa lebitsong la Lekgotla la
Diphuputso la Temo a tswa kotsi kapa a tshwaetswa ke bohloko bo itseng a le mosebetsing mme kotsi eo ka ho otloloha e le e bakilweng ke mosebetsi ofe kapa ofe tshebetsong ya hae, Lekgotla la Diphuputso la Temo ka tumello ya Letona eo ho fanweng ka yona ka ditherisano le Letona la Ditjhelete, boinahanelong ba lona le ka fana ka tefo mothong ya jwalo kapa ha e ba ho ile ha hlaha lefu, la lefa baotlwa ba motho ya jwalo.
Dipallo tsa karolwana ya 3 di keke tsa ama tokelo ya motho ofe kapa ofe hore a tseke ho lefellwa ditshenyehelo tse mabapi le kotsi efe kapa efe kapa bohloko bofe kapa bofe boo ho buuweng ka bona karolwaneng eo.
Tshehetso ya Ditjhelete ya Lekgotla la Diphuputso la Temo. ? Ditjhelete tsa Lekgotla la Diphuputso la Temo di tla botjwa ka ?
a tjhelete e abilweng ke Palamente hore e lefelle mesebetsi ya Lekgotla la
Diphuputso la Temo;
b tjhelete e lefuweng Lekgotla la Diphuputso la Temo ho latela karolwana ya c tjhelete e amohetsweng ka dikontraka le mesebetsi e entsweng ke Lekgotla la
Diphuputso la Temo;
d tjhelete e kadimilweng ke Lekgotla la Diphuputso la Temo ho latela karolo ya 4 1miii;
e ditefello kapa tjhelete ya ditokelo eo ho buuwang ka yona karolong ya 24 2 tse lefuwang Lekgotla la Diphuputso la Temo;
f phaello tse tswang thekisong ya diabo le karolelano ya phaello diabong tseo Lekgotla la Diphuputso la Temo di nang le tsona khampaning efe kapa efe eo ho buuwang ka yona karolong ya 41miii;
g dithuso kapa dinyehelo tseo Lekgotla la Diphuputso la Temo le ka di fumanang ho motho ofe kapa ofe, mokgatlo, mmuso, tsamaiso kapa mohlodi ofe kapa ofe;
h tswala tjheleteng ya tsetetsweng ke Lekgotla la Diphuputso la Temo.
a Lekgotla la Diphuputso la Temo le tla sebedisa matlole a lona ho lefella ditshenyehelo mabapi le ho phethahatsa mesebetsi ya lona le ho sebedisa matla ao le nang le ona.
b Lekgotla la Diphuputso la Temo le tla sebedisa tjhelete efe kapa efe e lohothwang karolwaneng ya 1 a ho latela tlhaloso ya lona ya ditjhelete tse lebeletsweng hore di kene mokotleng wa lona ha mmoho le ditshenyehelo tseo ho buuwang ka ka tsona karolwaneng ya 3, ho latela kananelo ya Letona: Ha feela ho latela dipallo tsa seratswana sa a, Lekgotla la Diphuputso la Temo le sebedisa tjhelete efe kapa efe kapa karolo efe kapa efe ya tjhelete e hlokehang hore e sebedisetswe sepheo se ikgethang se mabapi le taba e qoholehileng, bakeng sa sepheo sefe kapa sefe se mabapi le taba eo: Ha feela ho feta moo Lekgotla la Diphuputso la Dipatlisiso ka ditherisano le Letona, le ka sebedisa tjhelete efe kapa efe e setseng qetellong ya selemo sa ditjhelete sa Lekgotla la Diphuputso la Temo selemong seo, ho lefella ditshenyehelo tse ileng tsa hlaha ha le ntse le sebedisa matla a lona kapa le etsa mesebetsi ya lona.
c Lekgotla la Diphuputso la Temo le tla sebedisa dithuso dife kapa dife kapa dinyehelo tse lohothwang karolwaneng ya (g) ho latela dipehelano, ha e ba di le teng, tse qobeletsweng ke mofani kapa monyehedi ya amehang.
a Lekgotla la Diphuputso la Temo-
i Selemong se seng le se seng sa ditjhelete, nakong e behilweng ke Letona, le tla nehelana ka steitmente sa kakanyo ya tjhelete e kenang le ditshenyehelo nakong ya selemo se hlahlamang sa ditjhelete;
ii selemong se seng le se seng sa ditjhelete ka nako efe kapa efe le ka nehelana ka ditatementee tsa tlatsetso tsa kakanyo ya ditshenyehelo tsa ditjhelete tsa selemong seo, ho Letona ho fumana kananelo eo Letona le tla fana ka yona ka ditherisano le
Letona la Ditjhelete.
b Lekgotla la Diphuputso la Temo le keke la kena ditshenyehelong tsa mofuta ofe kapa ofe tse tlolang tjhelete e ananetsweng tlasa seratswana sa a.
Lekgotla la Diphuputso la Temo mabapi le mosebetsi ofe kapa ofe o entsweng kapa ditshebeletso tse entsweng ke lona tlasa Molao ona, kapa bakeng sa tshebediso ya menyetla ya bona kapa ditokelo tse tswalwang ke ditshibollo dife kapa dife, tseo ba di qapileng kapa dintlafatso, ba na le hona ho ka beha tefo kapa ho etsa ditlhophiso tse ding ho latela ka moo ba bonang ho hlokeha ka teng.
a Lekgotla la Diphuputso la Temo le ka nna la tsetela karolo ya matlole afe kapa afe a yona Koporasing ya moo Setjhaba se thesemetsang ditjhelete tsa sona teng e thehilweng ka karolo ya 2 ya Molao wa Koporasi ya Ditjhelete tsa Setjhaba wa 1984 Molao wa Nomoro ya 46 wa 1984, kapa ho latela kananelo ya Letona la Ditjhelete, Lekgotla le ka sebedisa tjhelete eo ka mokgwa ofe kapa ofe o mong.
b Lekgotla la Diphuputso la Temo le ka nna la theha mokotlana wa matlole a ditjhelete o beheletsweng ka thoko mme le thesemetse tjhelete tsa lona teng tse jwalo ka tse ka ananelwang ke Letona, le sebetsang ka ditherisano le Letona la Ditjhelete.
c Lekgotla la Diphuputso la Temo le ka lefa feela terasteng e lohothwang karolong ya 4 1 m iv feela-
i dimpho kapa dinyehelo tse lohothwang karolwaneng ya l g tse itshetlehileng dipehelanong tse itseng; le ii ditjhelete tse matloleng a beheletsweng ka thoko tse thehilweng ho latela karolo ya 27
Seratswana sa (c) se ekeditseng ke s.3 sa Molao wa Nomoro ya 174 wa 1993.
Mohlanka ya ikarabellang ditjheleteng.- Presidente e tla ba mohlanka ya ikarabellang ya fuweng boikarabelo ba ditjhelete kaofela tse amahetsweng, tshebediso ya tsona le ho sebedisa ha mmoho le ho hlokomela thepa ya Lekgotla la Diphuputso la Temo.
Mohlanka ya ikarabellang o tla etsa hore direkoto tsa diakhaonte di bolokwe jwalo ka ha di hlokeha ho bontsha boemo ba ditaba hantle le kgwebo ya Lekgotla la Diphuputso la Temo le ho hlalosa tshebediso le boemo ba ditjhelete ba kgwebo ya Lekgotla la Diphuputso la Temo.
Pehelo ya selemo, ya ditjhelete le tlhakiso ya dibuka.- Mohlakisi ya Akaretsang o tla hlakisa dibuka tsa ditjhelete, ditatementee tsa diakhaonte le ditatementee tsa selemo tsa ditjhelete tsa Lekgotla la Diphuputso tsa Temo mme o tla nehelana ka khopi ya pehelo ya hae ka tlhakiso ya ditatementee tse boletsweng tsa Lekgotla.
Poloko, pokeletso le kgatiso ya ditatementee tsa selemo tsa ditjhelete tsa khampani tseo ho buwang ka tsona karolong ya (m)(iii) e tla etswa ho latela dipallo tsa Molao wa dikhampani, wa 1973 (Molao wa Nomoro ya 61 wa 1973): Ha feela Mohlakisi ya Akaretsang a sa tehelo thoko dipallo tsa Kgaolo ya X ya Molao wa Dikhampani wa 1973, o tla hlakisa ditatementee tsa ditjhelete tsa selemo tsa khampani e jwalo, mme o tla nehelana ka dikgatiso tsa ditatementee tsa selemo tse jwalo ho Letona, nakong ya dikgwedi tse tsheletseng ka morao hoba selemo sa ditjhelete se amehang se fele.
Lekgotla le tla fana ka lesedi le jwalo ho Letona ho latela ka moo le tla nneng le kope ka teng nako le nako eleng lesedi le mabapi le mesebetsi le boemo ba ditjhelete tsa Lekgotla mme ka hohle ka moo ho kgonehang ka teng ka morao ho mafelo a selemo se seng le se seng sa ditjhelete le tla nehela Letona pehelo ya selemo e mabapi le ditaba le mesebetsi ya Lekgotla la Diphuputso la Temo ya selemong seo sa ditjhelete, eo hara tse ding e tla kenyeletsa-
a balanseshiti e hlakisitsweng, ha mmoho le dintlha hodima yona kapa tokomane e hokeletsweng e fanang ka lesedi le hlokwang ke Molao ona;
b steitmente se hlakisitsweng sa ditjhelete tse kenang, ho kenyeletswa le steitmente se seng le se seng sa ditjhelete se tshwanang le seo moo foromo e jwalo e loketseng, ho kenyeleditswe le dintlha tsohle tse ngotsweng moo kapa tokomane e hoketsweng moo e fanang ka lesedi le hlokwang ke Molao;
c steitmente sa lesedi la ka moo ditjhelete di tsamayang ka teng;
d pehelo ya bahlakisi.
Ditatementee tsa ditjhelete tseo ho buuwang ka tsona karolwaneng ya 3 a, b le c a di tla tsamaelana le tlwaelo ya tlholoso ya ditjhelete e amohelehang ka kakaretso;
b di tla bontsha ntle le leeme boemo ba ditaba le mesebetsi ya Lekgotla la Diphuputso le sephetho sa teng;
c di tla bontsha ntlha efe kapa efe e loketseng e sa qaqiswang hantle ke Molao o amang kapa o nang le monyetla wa ho ama ditaba tsa Lekgotla la Diphuputso la Temo, ka tsela ya dipalo le ka pehelo e hlalositsweng, o matlafatsang le ho hlalosa, moo ho hlokehang, le dipalo ditatementeeng tsa ditjhelete.
Pehelo eo ho buuwang ka yona karolwaneng ya 3 e tla hatiswa ka dipuo tse pedi tsa molao.
Ka hohle ka moo ho kgonehang ka teng ka morao hoba tlaleho e tekwe ka pele ho Letona ho latela karolwana ya 3, o tla nehelana ka yona Palamenteng.
Ho fumana tse lahlehileng le tse senyehileng .- Ha motho ya sebetsang kapa ya neng a sebeletsa Lekgotla la Diphuputso la Temo a lahlile eng kapa eng kapa a senyeditse
Lekgotla la Diphuputso la Temo hobane a ?
a ile a hloleha ho bokella tjhelete ya Lekgotla la Diphuputso la Temo tjhelete eo a neng a na le boikarabelo ho yona kapa ya nang le boikarabelo ba yona ;
b na le boikarabelo kapa a ile a ba le boikarabelo tefong e sa tsamaiswang hantle ya tjhelete ya Lekgotla la Diphuputso la Temo kapa bakeng sa tefello ya tjhelete e jwalo e sa tsamaeng le tokomane tse tshwanelehileng;
c na le boikarabelo kapa a ile a ba le boikarabelo ba ditshenyehelo tsa tjhelete tse sa tswelang Lekgotla la Diphuputso la Temo molemo wa letho;
d na le boikarabelo kapa a ile a ba le boikarabelo ba kgaello, tshenyo kapa tshenyeho ya tjhelete ya Lekgotla la Diphuputso la Temo, ditempe, boleng ba ditokomane le diforomo tse nang le monyetla wa boleng, ditshireletso, thepa, dibaka tsa polokelo ya thepa kapa thepa efe kapa efe e nngwe ya Lekgotla la Diphuputso la Temo;
e na le boikarabelo kapa a ile a ba le boikarabelo ba tseko e tobileng Lekgotla la Diphuputso la Temo ka lebaka la tlholeho ya ho phetha mesebetsi ya hae, mohlanka ya ikarabellang ditjheleteng o tla beha tjhelete ya tahlehelo e jwalo kapa ya tshenyo, mme a ka laela hore motho eo, ka tsebiso e ngotsweng fatse, a lefe Lekgotla la Diphuputso la Temo, nakong ya matsatsi a 30 ho tloha ka letsatsi la tsebiso, tjhelete eo kaofela kapa karolo efe kapa efe ya tjhelete e behilweng.
Ha motho ya sebetsang Lekgotleng la Diphuputso la Temo eo ho ya ka karolwana ya a ile a laelwa ho lefa tjelete e itseng, a hloleha ho lefa tjhelete eo nakong e boletsweng tsebisong eo, tjhelete eo ho latela dipallo tsa karolwana ya , le , e tla hulwa moputsong wa hae wa kgwedi le kgwedi: Ha feela ho hulwa hoo kgweding efe kapa efe ho keke ha tlola karolo ya bone ya moputso wa hae wa kgwedi.
Ha motho ya neng a sebeletsa Lekgotla la Diphuputso la Temo eo ho latela karolwana ya a ile a laelwa ho lefa tjhelete e itseng, mme a hloleha ho lefa tjhelete eo nakong e behilweng tsebisong eo ho fanweng ka yona, mohlanka ya ikarabellang ditjheleteng, ka ho ikamahanya le dipallo tsa karolwana ya , le , o tla etsa hore a fumane tjhelete mothong eo ka tsela ya molao.
Ha motho eo ho latela karolwana ya 1 a ile a laelwa ho lefa tjhelete e itseng, a dumela ho lefa tjhelete eo ka diqonwana, nakong e behilweng tsebisong eo ho fanweng ka yona, mohlanka ya ikarabellang ditjheleteng a ka nna a dumela hore tjhelete eo e lefuwe ka diqononwa tseo mohlanka ya ikarabellang a tla amohela hore di a utlwahala.
Motho eo ho latela karolwana ya 1 a laetsweng ho lefa tjhelete e itseng nakong ya matsatsi a 30 ho tloha mohla taelo e jwalo a ka etsa boipiletso ka ho ngola mme a ipelaetsa ka taelo e jwalo ho Lekgotla, a tshetleha mabaka a boipiletso ba hao, jwale Lekgotla ka morao ho diphuputso tseo le tla hloka hore di etswe, le ka qhala boipiletso kapa la laela hore molli a seke a jariswa boima ba molato, mohlomong ba molato ka ho phethahala kapa karolo ya molato, ho latela ka moo Lekgotla le tla fumana ho loketse ebile ho utlwahala ka teng, tefong ya molato o jwalo.
Motho eo ho latela karolwana ya 1 a ileng a laelwa ho lefa tjhelete e itseng, mohlomong ho e na le hore a etse boipiletso Lekgotleng tlasa karolwana ya , a ka etsa kopo nakong ya matsatsi a 30 ho tloha mohla taelo e jwalo e neng e ntshuwa, kapa nakong e nngwe e morao eo lekgotla la dinyewe le tla e dumella, lekgotleng le nang le bokgoni la dinyewe hore le ntshe taelo e qhelelang thoko taelo e jwalo e neng e ile ya hlaloswa pele kapa le fokotse tjhelete, mme lekgotla la dinyewe kopong e jwalo, ha e ba le sa kgodiswa ke mabaka a tshetlehilweng ke mohlanka ya ikarabellang ditjheleteng a hore taba ya taelo ena e entswe hantle kapa hore tjhelete e nepahetse, le ka etsa taelo e qhelelang ka thoko taelo e jwalo e neng e hlalositswe pele kapa taelo e fokotsang tjhelete, ho latela ka moo ditaba di leng ka teng.
Ditshibollo, boiqapelo le dintlafatso tsa basebetsi ba Lekgotla la Diphuputso la Temo ha mmoho le batho ba bang- Ho latela dipallo tsa karolwana ya le ditokelo tsa ditshibollo tsohle le boiqapelo le dintlafatsong kaofela mabapi le ditsela tsa tshebetso, disebediswa le metjhine e entsweng ke-
a basebetsi ba Lekgotla la Diphuputso la Temo kapa bahlanka le basebetsi ba tshebeletsong ya setjhaba bao Lekgotla la Diphuputso la Temo le ka ba sebedisang ho latela karolo ya 191c;
b batho ba thusang Lekgotla la Diphuputso la Temo ka dipatlisiso kapa diphuputso; kapa c batho ba fuweng dibasari kapa ditjhelete tsa dithuso ke Lekgotla la Diphuputso la Temo ba tla tsetela Lekgotleng la Diphuputso la Temo.
Lekgotla la Diphuputso la Temo le ka etsa hore ditshibollo, boiqapelo le dintlafatso tseo ho buuwang ka tsona karolwaneng ya di fumanehe bakeng sa ho sebedisetswa molemo wa setjhaba ho latela dipehelano le tefo ya ditefello le tjhelete ya ditokelo ho latela ka moo Lekgotla la Diphuputso la Temo le tla tsepamisa ka teng.
Ha e ba ditokelo tsa tshibollo efe kapa efe, boiqapelo kapa dintlafatso di tsetetswe
Lekgotleng la Diphuputso la Temo ho latela karolwana ya , Lekgotla le ka nna la abela motho ya nang le boikarabelo tshibollong eo, boiqapelong boo kapa ntlafatsong eo tjhelete ya teboho (bonase) ho latela ka moo le tla bona ho hlokeha ka teng, kapa le etse monyetla wa hore motho ya jwalo a fumane phaello tsa ditjhelete tse fumanwang ka tshibollo eo, boiqapelo bo jwalo kapa ntlafatso e jwalo ho ya ka moo Letona le tla tsepamisa dintho ka teng ka therisano le Letona la Ditjhelete.
Lekgotla la Diphuputso le ka etsa kopo ya tshireletso ya thuo ya tshibollo efe kapa efe, boiqapelo kapa ntlafatso eo ho buuwang ka yona karolwaneng ya , mme ka mabaka a Molao wa tshireletso ya thuo wa 1978 (Molao wa Nomoro ya 57 wa 1978), le Molao wa Ditokelo tsa Balemi ba Dimela wa 1976 (Molao wa Nomoro ya 15 wa 1976), le tla nkwa e le moabi wa mosibolli kapa moqapi eo ya teng.
Ntle le moo ho dumellanweng teng ka mokgwa o mong, ditokelo mabapi le tshibollo, boiqapelo kapa ntlafatso e ntsweng ke Lekgotla la Diphuputso nakong ya dipatlisiso kapa lebitsong la motho e mong, mokgatlo, mmuso kapa tsamaiso ba tla tsetela Lekgotleng la Diphuputso la Temo.
Dipallo tsa karolo ena di keke tsa sebetsa mabapi le tshibollo efe kapa efe, boiqapelo kapa ntlafatso tseo ho buuwang ka tsona karolwaneng ya tseo, ho latela maikutlo a Letona, di entsweng ke motho ya amehang ntle le-
a nakong ya hae ya mosebetsi jwalo ka mosebetsi wa Lekgotla la Diphuputso la Temo;
b nakong ya phethahatso ya mesebetsi ya hae eo ka yona a tshwanetseng ho sebetsa Lekgotleng la Diphuputso la Temo ho latela karolo ya 191c;
c nakong ya dipatlisiso dife kapa dife kapa ya diphuputso ha a ntse a thusa Lekgotla la Diphuputso la Temo; kapa d nakong ya diphuputso dife kapa dife tseo nakong ya tsona a fumanang basari kapa tjhelete ya thuso Lekgotleng la Diphuputso la Temo, le eo e sa hokahaneng ka letho le mosebetsi o jwalo, dipatlisiso kapa diphuputso.
Melawana.- Letona ka morao hoba le rerisane le Lekgotla, le ka etsa melawana e mabapi le ?
a mehato ya ho nehelana ka mabitso ho Letona a batho ba lokelang ho kgethwa jwalo ka ditho tsa Lekgotla;
b kgatiso le dikahare tsa tsebiso eo ho buuwang ka yona karolong ya 9 3;
aB mokgwa oo Lekgotla le lokelang ho nehelana ka ditlhoko tsa lona ho Letona mabapi le botsebi bo teng ka Lekgotleng;
Seratswana sa (aB) se kentsweng ke s.3 ya Molao wa Nomoro ya 16 ya 1996
b ho tlatswa ha dikgeo tsa basebetsi ba nakwana Lekgotleng le kgetho ya batho ho tshwara mokobobo ha ditho tse ding di le siyo;
c mehato ya dikopano tsa lekgotla;
d ho bolokwa ha lekunutu le mabapi le ditaba tsa Lekgotla la Diphuputso la Temo;
e ditaba tse mabapi le hore ho be le ditefo tse lefuwang Lekgotla la Diphuputso la Temo, tjhelete ya tefo e jwalo le batho ba tla lokela ho e lefa ha mmoho le maemo a tla etsa hore ditefello dife kapa dife di buseletswe ba lokelang;
f mehato e mabapi le ditletlebo ha mmoho le dikopo tsa basebetsi, le ka kakaretso, taba efe kapa efe e mabapi le eo Letona ka morao hoba le tshware ditherisano le Lekgotla, le nkang e le ya bohlokwa kapa e loketseng hore e etsetswe melawana e le hore ho tle ho fihlelwe maikemisetso a Molao ona.
Molawana ofe kapa ofe o tlasa karolwana ya 1 o ka nna wa etsa monyetla wa hore motho ofe kapa ofe ya o tlolang kapa ya hlolehang ho ikamanya le dipallo tsa ona a fumanwe a le molato ebile a lokelwa ke kotlo e sa tloleng R2 000 kapa ho hlahlelwa teronkong nakong e sa feteng dikgwedi tse tsheletseng.
Ho aba mosebetsi .- Lekgotla le ka a abela kapa la tshwaela mosebetsi modulasetulo kapa setho sefe kapa sefe se seng sa Lekgotla, kapa motho ya tshwareng mosebetsi wa kantoro , Lekgotleng la Diphuputso la Temo kapa ho komiti e thehilweng ho latela karolo ya 17 1, matla afe kapa afe a fuweng Lekgotla ke kapa a fuweng lekgotla tlasa Molao ona; kapa b fana ka matla ho modulasetulo kapa setho sefe kapa sefe sa Lekgotla, presidente kapa mosebetsi ofe kapa ofe, kapa motshwari wa kantoro le, Lekgotla la Diphuputso la Temo kapa komiti e thehilweng tlasa karolo ya 17 1, ho etsa mosebetsi ofe kapa ofe o fuweng Lekgotla ka molao kapa tlasa Molao ona.
Presidente o na le hona ho-
a tshwaela mosebetsi mosebeletsi e mong, kapa motshwari wa Kantoro le Lekgotla la Diphuputso la Temo, matla afe kapa afe a fuweng presidente ke kapa tlasa Molao ona boemong ba hae jwalo ka presidente kapa mohlanka ya ikarabellang; kapa b fana ka matla a hore mosebetsi kapa motshwari wa kantoro a etse mosebetsi ofe kapa ofe o abetsweng presidente ka kapa tlasa Molao ona boemong bona bokgoning bo boletsweng.
Kabo efe kapa efe ya mosebetsi tlasa karolwana ya 1 le ya 2 e ka etswa ho latela dipehelano tse jwalo le dithibelo ho latela ka moo Lekgotla kapa presidente ba ka behang dintho ka teng, ho latela ka moo ditaba di ka bang ka teng, mme kabo e jwalo e ka hulwa ke Lekgotla kapa presidente, ho latela ka moo ditaba di leng ka teng.
Lekgotla le presidente ba keke ba nkelwa matla afe kapa afe ao ho nehelanweng ka ona tlasa karolwana ya le ya ke lekgotla kapa ke presidente, mme le ka fetola kapa la kgutlisa qeto efe kapa efe e entsweng ha ho ne ho sebediswa matla ao ho fanweng ka ona a jwalo.
Ho fetisetswa ha maruo le matlole ho Lekgotla la Diphuputso la Temo.- Letona, ka ho rerisana le Letona la Ditjhelete, le ka fetisetsa thepa efe kapa efe e kgonang ho suthiswa kapa e sa kgoneng ho ka suthiswa eo eleng ya Mmuso hore e fuwe Lekgotla la Diphuputso la Temo ho le kgothaletsa ho etsa mesebetsi ya lona kapa ho fihlella maikemisetso afe kapa afe a lona.
Ha ho thepa e sa kgoneng ho suthiswa e fetiseditsweng Lekgotla la Diphuputso la Temo ho latela karolwana ya 1, eo ntle le kananelo ya Letona, eo ho fanweng ka yona ka ditherisano le Letona la Ditjhelete, e ka kgethollwang, ya behwa paneng bakeng sa molato o entsweng kapa eo ho ka fanwang ka yona ka mokgwa ofe kapa ofe.
a Tjhelete kaofela kapa karolo e sa sebediswang ya ditjhelete le tswala ya yona, e kentsweng Akhaonteng ya Temo ya Diphuputso e thehilweng tlasa karolo ya 2 ya Molao wa Diakhaonte tsa Temo tsa Diphuputso, wa 1964 (Molao wa Nomoro ya 37 wa 1964), le Akhaonte ya Kwae ya Diphuputso le Akhaonte ya Waene ya Diphuputso e thehilweng tlasa karolo ya 2 ya Molao wa Akhaonte ya Diphuputso tsa Kwae le Waene wa 1960 ( Molao wa Nomoro ya 37 wa 1960), letsatsing le tla behwa ke Letona ka tsebiso Koranteng ya Mmuso, mme ho tloha mohla letsatsi leo e tla fetisetswa Lekgotleng la Diphuputso la Temo ka lona.
b Pehelano efe kapa efe e hoketsweng tjheleteng e nngwe le e nngwe akhaonteng tsa diphuputso tseo ho buuwang ka tsona seratswaneng sa a, e tla dula e ntse e na le matla a tshebetso mme e tla hlomphuwa ke Lekgotla la Diphuputso la Temo, le tjhelete ya letlole e ka thoko eo ho lohothwang ka yona karolong ya 20 5 b, e tla thehwa ho latela tjhelete e nngwe le e nngwe e jwalo.
c Mabapi le ditjhelete tse Akhaonteng ya Temo ya Diphuputso eo ho buuwang ka yona seratswaneng sa a eo ho se nang dipehelano tse hokeletsweng ho yona jwalo ka ha ho buuwa seratswaneng sa b, tjhelete ya letlole le leng le ka thoko ho latela ka moo ho lohothwang ka teng karolong ya 20 5 b e tla thehwa.
Mongodisi ho ya ka moo a hlalositsweng ka teng karolong ya 102 ya Molao wa Ngodiso ya Thuo ya Thepa, wa 1937 Molao wa Nomoro ya 47 wa 1937, ka morao hoba Letona le teke ka pele ho yena setifikeiti hore tokelo ya sebele e mabapi le thepa e sa suthiseheng e hlalositsweng setifikeiting se jwalo e fumanwe ke Lekgotla la Diphuputso la Temo, o tla ngodisa ntlha eo e jwalo kapa a etse phetoho tseo a tla fumana hore ho hlokeha hore di etswe rejistareng efe kapa efe e loketseng kapa tokomaneng e nngwe kantorong ya hae kapa e behilweng ka pele ho yena, ka morero wa ho ngodisa tokelo e jwalo lebitsong la Lekgotla la Diphuputso la Temo, mme ha ho tefello ya setempe, ya kantoro kapa tefello e nngwe e tla lefuwa mabapi le ngodiso.
Diteraeke.- Letona le ka etsa tsebiso Koranteng ya Mmuso ho thibela diteraeke tsa basebetsi ba Lekgotla la Diphuputso la Temo mme la qobella dikotlo le ho etsa monyetla wa ditaba tse amanang le moo.
Ho hlakolwa ha melao.- Molao wa Diakhaonte tsa Diphuputso tsa Kwae le Waene wa 1960 (Molao wa Nomoro ya 60 wa 1960), Molao o Fetotsweng wa Diakhaonte tsa Diphuputso tsa Kwae le Waene wa 1972 (Molao wa Nomoro ya 35 wa 1972), Molao wa Akhaonte ya Diphuputso tsa Temo wa 1964 (Molao wa Nomoro ya 37 wa 1964) le Molao o Fetotsweng wa Akhaonte ya Duphuputso tsa Temo wa 1972 (Molao wa Nomoro ya 37 wa 1972), kaofela e a hlakolwa mona.
Ho tla etswa kgweletso ya Letsatsi la tshimoloho
Sehlooho se sekgutshwanyane le qaleho.- Molao ona o tla bitswa Molao wa Diphuputso wa Temo wa 1990, mme o tla sebetsa letsatsing le tla behwa ke Mopresidente wa Naha ka kgweletso e tla etswa Koranteng ya Mmuso.
Ho ka nna ha behwa matsatsi a fapaneng a dipallo tse fapaneng tsa Molao ona.
